കൊള്ളിമിട്ടായി
'എവ്ടേക്യാ കുട്ട്യേ ഈ ഓട്ണേ.. അവിടെ നിക്കാനല്ലെ പറഞ്ഞത്..'
ഞാന് വിളിച്ച് കൂവുന്നത് ചിന്നുമോന് ശ്രദ്ധിക്കുന്നില്ലായിരുന്നു.
'നിന്റെ കുസൃതി ഇത്തിരി കൂട്ണ്ണ്ട്.'
അവന് എന്റെ വാക്കുകള് ശ്രദ്ധിക്കാതെ വീണ്ടും ഓടുകയാണ്. വയല് വരമ്പിലേക്ക് താഴ്ന്ന് നില്ക്കുന്ന പുല്നാമ്പുകളില് മഴത്തുള്ളികള് കോര്ത്തിണക്കിയ മുത്തുമാല തട്ടിത്തെറിപ്പിച്ച് ചിന്നുമോന് ചിരിച്ചുകൊണ്ട് ഓടി.
വീട്ടിലെത്തി എന്റെ മടിയിലിരുന്ന് എന്റെ മുഖത്തേക്ക് തന്നെ നോക്കി ഭക്ഷണം കഴിക്കുമ്പോഴും അവന് ചിരിക്കുകയായിരുന്നു.